اب مچھلی بھی دیکھ بھال کر خریدیں ورنہ ۔۔ خاتون مچھلی کھانے سے کیسے معذور ہوگئیں؟ عجیب و غریب واقعے نے مچھلی کھانے والوں کو خوفزدہ کر دیا

عام طور پرمچھلی انسانی صحت کے لیے بہت مفید ہوتی ہے اور ڈاکٹرز ہفتے میں ایک بار تو مچھلی کے استعمال کی تجویر دیتے ہیں۔ مگر حال ہی میں ایک ایسا عجیب واقعہ پیش آیا جس میں ایک خاتون مچھلی کھانے سے معذور ہوگئیں۔

غیر ملکی میڈیا رپورٹس کےمطابق امریکی ریاست کیلیفورنیا میں 40 سالہ خاتون لورا بجارس اپنی ٹانگوں اور ہاتھوں سے اس وقت محروم ہوئیں جب انہوں مکمل طور پر نہ پکی ہوئی تلاپیا مچھلی کھالی۔ یہ مچھلی گرد آلود اور بیکٹیریل انفیکشن سے بھری ہوئی تھی۔

لورا بجارس کی قریبی دوست اینا میسینا نے بتایا کہ گزشتہ ایک ماہ سے لورا مقامی اسپتال میں زیر علاج ہیں جن کی حال ہی میں سرجری ہوئی، میری دوست بازار سے مچھلی خرید کر لائی اور گھر میں پکائی، اسے کھانے کے بعد ان کی حالت غیر ہوگئی اور وہ تقریباً بستر مرگ پر تھیں۔

انہوں نے بتایا کہ ڈاکٹرز نے لورا کی تشویشناک حالت کے باعث انہیں کوما میں بھیج دیا تھا کیونکہ اس کے دونوں ہاتھ، ٹانگیں، ہونٹ کالے ہوچکے تھے جبکہ گردے فیل ہورہے تھے۔

خاتون کی دوست کے مطابق متاثرہ خاتون وبریو ولنیکس نامی مہلک بیکٹیریل انفیکشن کی زد میں آگئی تھیں جو کچی سمندری غذا یا پانی میں پایا جاتا ہے۔

انہوں نے بتایا کہ اس سے محفوظ رہنے کے لیے ضروری ہے کہ سمندری غذا کو اچھی طرح صاف کرکے اور مکمل طور پر پکاکر کھایا جائے۔

Spread the love

اپنا تبصرہ بھیجیں