قد چھوٹا ہو نا کوئی عیب نہیں ہے بس کردار چھوٹا نہیں ہو نا چاہئے قد کے معاملہ آپ کے ہاتھ میں نہیں قدت کے اختیارمیں ہے اس نے آپ کو اسی قد میں پسند فر مایا اور پیدا فر مادیاہے جب آپ رب کو پسند ہیں تو لوگوں کی پروا مت کریں۔ یہاں پر اس قد کی بات کی جارہی ہے جس میں قد بڑھنے کا رجحان تو تھا مگر کسی وجہ نہیں بڑھ پایا۔ قد نہ بڑھنے کی کئی وجوہات ہو سکتی ہیں ان میں سب سے اہم جین کا کردار ہے اگر گھر میں سب کا قد چھوٹا ہے تو ہو سکتا ہے کہ آپ کا بھی قد بھی چھوٹا ہی رہے لیکن ضروری نہیں کہ ایسا ہی ہو،اس کے علاوہ بھی کئی اور عوامل ہیں جن میں متوازن غذا کا نہ ہو نا اورجسمانی سرگرمیوں میں کمی وغیرہ۔اگر کسی بچے کا قد اس لئے نہیں بڑھتا کہ وہ ایک ایسے گھرانے میں پیدا ہوا ہے جہاں زندگی کی بنیادی ضروریات بھی پوری نہیں ہوتی تو وہاں غذا کی کمی قد بڑھنے میں رکاوٹ بن سکتی ہے۔ کیلشیم جو کہ
ہڈیوں کے لئے بے حد ضروری ہے اس کی عدم موجودگی قد پر اثر انداز ہو گی۔
اسی طرح ورزش، کھیل کود بچوں کی بہتر نشوونما میں اہم کردار ادا کرتے ہیں۔بچوں کو بچپن ہی سے رسی کودنا سکھایا جائے ساتھ ہی کسی جگہ ہاتھوں سے جھولا جھولنے کو کہا جائے یہ عمل قد بڑھنے میں معاون ثابت ہوتے ہیں۔
بچوں کا قد بڑھانا ہے تو کیلے کا استعمال بھی بڑھا دیں یہ پھل اپنے صحت بخش اجزاء کی مدد
سے قد میں اضافے کو ممکن بناتا ہے اسی طرح کیلشیم سے بھر پور غذا جیسے دوودھ،دہی اور پنیر کو بھی غذا میں روز شامل رکھیں۔ اس کے علاوہ ام راحیل کو یہ بہترین نسخہ حاضر ہے جو قد بڑھانے میں نہایت کار آمد ہے۔
یہ کس طرح بنایا جاتا ہے جانتے ہیں۔
اجزاء:
شہد ایک چائے کا چمچ
بی پولین ایک چائے کا چمچ
روغن بادام آدھا چائے کا چمچ
روغن بلسان دس قطرے
ترکیب: ان تمام اجزاء کو اچھی طرح مکس کریں اور اور س کا ایک چائے کا چمچ ایک گلاس دودھ میں ڈال کر صبح اور ایک گلاس دودھ شام میں بچے کو دیں،قد میں واضح فرق نظر آئے گا۔
